INFORMACIÓN PRÁCTICA

Oficina de Turismo

A oficina municipal de turismo de Bande atópase no edificio do Concello. Ofrece un servizo de presentación do destino, información e promoción da oferta, así como de atención ao visitante.

Servizos:

Acollida, atención e información turística sobre Bande e a súa contorna.
Comunicación e promoción dos recursos turísticos e servizos da cidade e a súa contorna.
Atención e información turística non presencial.
Recollida de datos estatísticos sobre os servizos de atención, información, visitantes, etc.
Organización, seguimento e difusión de actividades e programas culturais e turísticos que promove o Concello de Bande.
Colaboración na xestión de proxectos de carácter turístico do concello.
Coordinación e colaboración con outras áreas ou departamentos do concello á hora de levar a cabo iniciativas culturais, turísticas e deportivas.
Difusión da axenda cultural.
Apertura eventual do centro de interpretación Aquae Querquennae – Vía Nova, realizando labores de recepción de visitantes e guía turística.
Colaboración, xestión e seguimento das actividades e programas realizados no centro de interpretación Aquae Querquennae – Vía Nova.
Participación nas reunións profesionais necesarias de cultura e turismo.
Organización, colaboración e montaxe de caseta do Concello de Bande en feiras e exposicións.

HORARIO

De luns a venres de 8:30h. a 14:30h

CONTACTO

Teléfono: 988 443 001
Email: concello@concellobande.com

Transporte

Servizo realizado pola empresa de transporte Palacios Bus, teléfono 982 411 313. Consultar horarios y precio.

Zona Autocaravanas

A zona de autocaravanas está situada xunto ao Centro de Interpretación Aquae Querquennae-Vía Nova e á praia fluvial de Porto Quintela. Habilitaron 28 prazas específicas para este tipo de vehículos.

Os usuarios da área para autocaravanas atoparanse cos seguintes servizos: tomas de auga potable, desaugadoiro para augas grises e negras, e merendero. Aberta 365 días e todo de forma gratuíta.. A zona de aparcamento conta con paneis informativos para o correcto uso das instalacións.

Ademais de zonas verdes para o descanso e lecer do visitante, dispoñen de baños, duchas, bar, e grellada a 150 metros (aberto no verán).

O estacionamento para autocaravanas sitúase a escasos metros do complexo arqueolóxico romano de Aquis Querquennis e da área termal.