Mes: julio 2025

Presentación da XVII Andaina 2025, unha cita xa clásica para
o sendeirismo galego.

Bande, 29 de xullo de 2025 – Esta mañá tivo lugar a presentación
oficial da XVII Andaina de Bande, un dos eventos deportivos e
sociais máis esperados do verán na comarca, que se celebrará o
vindeiro domingo 3 de agosto con saída desde a Praza da
Constitución de Bande.

O acto contou coa participación da alcaldesa, Sandra Quintas
Vázquez, quen destacou “a consolidación desta actividade como unha
cita imprescindible para veciños, visitantes e amantes da natureza”,
así como a do monitor deportivo do concello, Xurxo Vázquez Álvarez,
quen detallou os aspectos técnicos do percorrido.

A Andaina ofrecerá dúas modalidades adaptadas a diferentes niveis:
un percorrido longo de aproximadamente 20 km e outro curto
de 14 km, ambos con saída ás 09:00 horas e incluíndo
avituallamentos, aperitivos e agasallos para todos os
participantes.

O evento, cun límite máximo de 250 persoas inscritas, mantén o
prezo de inscrición en 12 euros ata o 30 de xullo. As inscricións
poden realizarse a través da app Saudeter Live ou de forma
presencial no pavillón de deportes de Bande, os martes e xoves
de 16:00 a 21:00 horas.

A XVII Andaina de Bande está organizada polo Concello de Bande en
colaboración con entidades locais, e busca fomentar o deporte ao aire
libre, a vida saudable e a posta en valor do patrimonio natural da
zona.

Para máis información, as persoas interesadas poden contactar no
teléfono 650 95 97 84

Adxúntanse nota de prensa, fotografía oficial do acto de presentación do programa de verán, na que se contou coa presenza da alcaldesa e concelleir@s, e o cartel de actividades agardando lle dean a maior difusión posible.

Para máis información: Concello Bande 988443001.

Comunicámoslle que o Concello de Bande celebrará mañá, xoves 10 de xullo ás 12:00 horas, no salón de Actos da Casa do Concello, o acto oficial de declaración como Fillo Adoptivo de D. Antonio Rodríguez Colmenero, en recoñecemento aos extraordinarios méritos acumulados ao longo da súa traxectoria académica, profesional e investigadora.

Este nomeamento supón unha merecida homenaxe á súa dedicación desinteresada e apaixonada á recuperación, estudo e posta en valor do patrimonio arqueolóxico do noso concello, e moi especialmente ao complexo romano de Aquae Querquennae, cuxo legado histórico e científico contribuíu de maneira decisiva a divulgar e preservar.

O acto contará coa presenza de representantes institucionais, autoridades locais, entidades culturais e veciños e veciñas de Bande, que queren así amosar o seu agradecemento a unha figura clave para o coñecemento e promoción do noso pasado romano.